Մ-16 ԵԱ Երեւանում․ Հայաստանի Մ-16 հավաքականի երկրորդ հաղթանակը (տեսանյութ)
22:37 5 հուլիսի, 2026Բասկետբոլի Հայաստանի մինչև 16 տարեկանների հավաքականը Երևանում անցկացվող Եվրոպայի C դիվիզիոնի առաջնությունում երկրորդ հաղթանակը տարավ՝ այս անգամ 109:56 հաշվով Ջիբրալթարի հավաքականի նկատմամբ։
Էնթոնի Սարգսյանը երկրորդ խաղն անընդմեջ ճանաչվել է հանդիպման ամենաարժեքավոր խաղացող (MVP)՝ FIBA U16 EuroBasket 2026, C դիվիզիոնի առաջնությունում։
Ջիբրալթարի դեմ խաղում Սարգսյանը գրանցեց 37 արդյունավետության գործակից (EFF)։ Նա վաստակեց 22 միավոր, կատարեց 13 ռեբաունդ և 6 արդյունավետ փոխանցում։
Հիշեցնենք, որ Էնթոնի Սարգսյանը նաև Անդորրայի դեմ առաջնության մեկնարկային խաղում էր ճանաչվել հանդիպման ամենաարժեքավոր խաղացող։
Հայաստանի Մ16 հավաքականը մրցաշարի երրորդ հանդիպումը կանցկացնի հուլիսի 8-ին՝ ժամը 19:00-ին, Սպորտի կառավարման կենտրոնում՝ մրցելով Մալթայի հավաքականի դեմ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.