ԱԱ-2026. Արգենտինան պարտության մատնեց Հորդանանին, Մեսին՝ գոլի հեղինակ, Ալժիրն ու Ավստրիան խաղացին ոչ ոքի (տեսանյութ)

Ֆուտբոլի աշխարհի առաջնությունում խմբային փուլի վերջին տուրի հանդիպումներն անցկացրին J խմբում ընդգրկված թիմերը։

Աշխարհի չեմպիոն Արգենտինայի հավաքականը 3:1 հաշվով պարտության մատնեց Հորդանանին:

ԱՄՆ-ի Տեխաս նահանգի Առլինգտոն քաղաքում անցկացված խաղում Արգենտինայի հավաքականից 19-րդ րոպեին աչքի ընկավ իսպանական «Ռեալ Բետիսի» կիսապաշտպան Ջովանի Լո Չելսոն: 31-րդ րոպեին նշանակված 11 մետրանոցը դիպուկ իրացրեց Միլանի «Ինտերի» հարձակվող Լաուտարո Մարտինեսը:

Հորդանանի կազմում 55-րդ րոպեին միակ գոլի հեղինակ դարձավ ֆրանսիական «Ռենի» հարձակվող Մուսա Ալ Տամարին, որին փոխանցում կատարեց պաշտպան Էսխան Հադադը:

80-րդ րոպեին Արգենտինայի հավաքականի եւ ամերիկյան «Ինտեր Մայամիի»  38-ամյա հարձակվող Լիոնել Մեսին այս առաջնությունում խփեց իր 6-րդ գոլը:

Խմբի մյուս խաղում Ալժիրն ու Ավստրիան հաղթողին չպարզեցին: Գրանցվեց ոչ ոքի՝ 3:3:

ԱԱ-2026, խմբային փուլ, երրորդ տուր

J խումբ

Հորդանան – Արգենտինա` 1:3 (տեսանյութ)

Մուսա Ալ Տամարի, 55 - Ջովանի Լո Չելսոն, 19, Լաուտարո Մարտինես, 11 մետրանոց, 31, Լիոնել Մեսի, 80

Ալժիր - Ավստրիա՝ 3:3 (տեսանյութ)

Ռաֆիկ Բելգալի, 45, Րիյադ Մարեզ, 60, 90+3 - Մարկո Արնաուտովիչ, 28, Մարսել Զաբիցեր, 55, Սաշա Կալայջիչ, 90+6

Արգենտինան 9 միավորով գրավեց առաջին տեղը եւ 1/16 եզրափակիչում է։ Ավստրիան 4 միավորով երկրորդն է եւ նվաճեց այս խմբից փլեյ-օֆֆի երկրորդ ուղեգիրը: Ալժիրը 4 միավորով պահպանում է փլեյ-օֆֆ դուրս գալու հնարավորությունը։ Հորդանանը երրորդ պարտությունը կրեց եւ լքում է առաջնությունը։