ԱԱ-2026․ D եւ F խմբի երրորդ տուրի արդյունքները (տեսանյութ)
09:56 26 հունիսի, 2026Ֆուտբոլի աշխարհի առաջնությունում խմբային փուլի հանդիպումներն ավարտվեցին նաեւ D եւ F խմբերում։
D խմբում փլեյ-օֆֆի երկրորդ ուղեգրին հավակնող Ավստրալիան ու Պարագվայը ԱՄՆ-ի Սանտա Կլարա քաղաքում խաղացին ոչ ոքի՝ 0:0:
Ավստրալիան 4 միավորով գրավեց երկրորդ տեղը եւ դուրս եկավ 1/16 եզրափակիչ։
Պարագվայը 4 միավորով երրորդն է եւ պահպանում է փլեյ-օֆֆ դուրս գալու հնարավորություն։
Անցած տուրում փլեյ-օֆֆ դուրս եկած ԱՄՆ-ի հավաքականը Ինգլվուդում 2:3 հաշվով պարտվեց Թուրքիային։ ԱՄՆ-ի թիմը 6 միավորով խմբի հաղթողն է, Թուրքիան 3 միավորով գրավեց վերջին տեղը եւ լքեց պայքարը։
F խմբում Նիդերլանդների թիմը 3:1 հաշվով պարտության մատնեց Թունիսին եւ 7 միավորով գրավեց առաջին տեղը։ Թունիսը երրորդ պարտությունը կրեց եւ լքեց առաջնությունը։
Այս խմբից երկրորդ ուղեգիրը նվաճեց Ճապոնիան, որը 1:1 հաշվով խաղաց Շվեդիայի հետ եւ 5 միավորով գրավեց երկրորդ տեղը։ Շվեդիան 4 միավորով երրորդն է եւ պահպանում է փլեյ-օֆֆ դուրս գալու հնարավորություն։
ԱԱ-2026. D խումբ, երրորդ տուր
Թուրքիա - ԱՄՆ՝ 3:2 (տեսանյութ)
Արդա Գյուլեր, 10, Բարիշ Յիլմազ, 31, Քաան Այհան, 90+8 - Օսթոն Թրասթի, 3, Սեբաստիան Բերհալթեր, 49
Պարագվայ - Ավստրալիա՝ 0:0
F խումբ, երրորդ տուր
Ճապոնիա - Շվեդիա՝ 1:1 (տեսանյութ)
Դայձեն Մաեդա, 56 - Էնթոնի Էլանգա, 62
Թունիս - Նիդերլանդներ՝ 1:3 (տեսանյութ)
Հազեմ Մաստուրի, 54 - Էլիես Սկիրի, 3, ինքնագոլ, Բրայան Բրոբի, 7, Յան Պաուլ վան Հեկե, 62
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.