ԱԱ-2026. Նորվեգիան հաղթեց Սենեգալին եւ դուրս եկավ 1/16 եզրափակիչ, Ալժիրը պարտության մատնեց Հորդանանին (տեսանյութ)
10:22 23 հունիսի, 2026Աշխարհի առաջնության խմբային փուլի երկրորդ տուրում Նորվեգիայի հավաքականը ԱՄՆ-ի Իսթ Ռութերֆորդ քաղաքում 3:2 հաշվով պարտության մատնեց Սենեգալի հավաքականին եւ ապահովեց 1/16 եզրափակիչի ուղեգիր:
Նորվեգիայի թիմից 43-րդ րոպեին աչքի ընկավ իտալական «Տորինոյի» 25-ամյա պաշտպան Մարկուս Պեդերսենը, որը փոխարինման էր դուրս եկել հանդիպման 13-րդ րոպեին:
48-րդ րոպեին անգլիական «Մանչեսթեր Սիթիի» 26-ամյա հարձակվող Էրլինգ Հոլանդը կրկնապատկեց հաշիվը՝ արդյունավետ օգտագործելով Լոնդոնի «Արսենալի» ավագ եւ կիսապաշտպան Մարտին Էդեգորի փոխանցումը:
Սենեգալի հավաքականից Սաուդյան Արաբիայի «Ալ Նասրի» հարձակվող Սադիո Մանեի փոխանցումից հետո 53-րդ րոպեին աչքի ընկավ անգլիական «Քրիստալ Փելասի» 28-ամյա հարձակվող Իսմաիլա Սարը:
58-րդ րոպեին Էլրինգ Հոլանդը դուբլ ձեւակերպեց, որին փոխանցում կատարեց նորվեգական «Բուդյո-Գլիմտի» կիսապաշտպան Պատրիկ Բերգը:
Ավելացված 3-րդ րոպեին սենեգալցի Իսմաիլա Սարը դուբլ ձեւակերպեց:
ԱԱ-2026, I խումբ, երկրորդ տուր
Նորվեգիա – Սենեգալ՝ 3:2 (տեսանյութ)
Մարկուս Պեդերսեն, 43, Էրլինգ Հոլանդ, 48, 58 - Իսմաիլա Սար, 53, 90+3
Օրվա մյուս խաղում Ալժիրի հավաքականը Կալիֆորնիայի Սանտա Կլարա քաղաքում 2:1 հաշվով հաղթեց Հորդանանի թիմին:
Ալժիրի թիմից աչքի ընկավ հունգարական «Դյորի» 26-ամյա հարձակվող Նադիր Բենբուալին եւ ֆրանսիական «Օլիմպիկ Մարսելի» 26-ամյա հարձակվող Ֆերի Գուիրին:
Հորդանանի հավաքականի կազմում գոլի հեղինակ դարձավ 27-ամյա կիսապաշտպան Նիզար Ալ Ռաշդանը:
ԱԱ-2026, I խումբ, երկրորդ տուր
Հորդանան – Ալժիր՝ 1:2 (տեսանյութ)
Նիզար Ալ Ռաշդան, 36 - Նադիր Բենբուալի, 69, Ֆերի Գուիրի, 82
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.