ԱԱ-2026. Ֆրանսիան Մբապեի դուբլի շնորհիվ հաղթեց Իրաքին եւ դուրս եկավ 1/16 եզրափակիչ (տեսանյութ)

09:54   23 հունիսի, 2026

Աշխարհի փոխչեմպիոն Ֆրանսիայի հավաքականը աշխարհի առաջնության խմբային փուլի երկրորդ տուրում 3:0 հաշվով պարտության մատնեց Իրաքի թիմին եւ ապահովեց 1/16 եզրափակիչի ուղեգիր (տեսանյութ)։

ԱՄՆ-ի Ֆիլադելֆիա քաղաքում տեղի ունեցած հանդիպման 14-րդ րոպեին Գերմանիայի չեմպիոն Մյունխենի «Բավարիայի» 24-ամյա կիսապաշտպան Մայքլ Օլիսեի փոխանցումն արդյունավետ օգտագործեց Իսպանիայի փոխչեմպիոն Մադրիդի «Ռեալի» 27-ամյա հարձակվող Կիլիան Մբապեն:

Առաջին խաղակեսից հետո Ֆրանսիա - Իրաք հանդիպումը կայծկի եւ անձրեւի պատճառով ընդհատվեց:

Եղանակային պայմանները բարենպաստ դառնալուց հետո հանդիպումը շարունակվեց: 54-րդ րոպեին 27-ամյա Կիլիան Մբապեն դուբլ ձեւակերպեց, որին փոխանցում կատարեց Չեմպիոնների լիգայի հաղթող ՊՍԺ-ի ֆրանսիացի հարձակվող Ուսման Դեմբելեն:

Մբապեն, որը 100-րդ հանդիպումն անցկացրեց ազգային թիմում, խփեց 16-րդ գոլն աշխարհի առաջնություններում՝ երկու գոլ զիջելով Արգենտինայի հավաքականի եւ ամերիկյան «Ինտեր Մայամիի» 38-ամյա հարձակվող Լիոնել Մեսիին (18 գոլ):

66-րդ րոպեին ֆրանսիացի հարձակվող Ուսման Դեմբելեն 24-ամյա կիսապաշտպան Մայքլ Օլիսեի փոխանցումից հետո խփեց Ֆրանսիայի երրորդ գոլը:

Standings provided by Sofascore


© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.