Հայաստանի թիմը 2 մեդալ է նվաճել Եվրոպայի բաց մրցաշարում
15:10 8 հունիսի, 2026Էստոնիայի մայրաքաղաք Տալլինում անցկացված ձյուդոյի Եվրոպայի բաց մրցաշարում Հայաստանի թիմը նվաճել է երկու մեդալ։
60 կգ քաշային կարգում Վահե Աղասյանը, վստահորեն տանելով 4 հաղթանակ` Մեծ Բրիտանիայի, Իսրայելի, Իտալիայի և Լեհաստանի ներկայացուցիչների նկատմամբ, նվաճել է ոսկե մեդալ, հաղորդում է ՀՁՖ-ի մամուլի ծառայությունը։
100 կգ քաշային կարգում հանդես եկող Գոռ Կարապետյանը, տանելով 2 հաղթանակ Ուկրաինայի և Իտալիայի ներկայացուցիչների նկատմամբ, կիսաեզրափակչում պարտվել է լատվիացի մարզիկին, սակայն սփոփիչ գոտեմարտում հաղթել է Խորվաթիայի ներկայացուցչին և նվաճել բրոնզե մեդալ։
60 կգ քաշային Աշիկ Անդրեյանը պարտվել է մեկնարկանին գոտեմարտում, Մարտին Բադալյանը տարել է 2 հաղթանակ, բայց դուրս մնացել հետագա պայքարից։
66 կգ Դավիթ Աբրահամյանը պարտվել է առաջին գոտեմարտում, իսկ 73կգ Արտակ Թորոսյանը, երկու հաղթանակ է տարել, սակայն նույնպես դուրս մնաց հետագա պայքարից։
Մրցաշարին մասնակցել է 33 երկրի 252 մարզիկ։
Հայաստանի թիմը հունիսի երեկոյան կմեկնի Խորվաթիայի Պորեչ քաղաք եւ օլիմպիական մարզումային ճամբարում ուսումնամարզական հավաք կանցկացնի մինչեւ հունիսի 13-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.