Չանչարեւիչ. Պատրաստ ենք վաղվա հանդիպմանը
18:01 5 հունիսի, 2026Բարձր տրամադրությամբ պատրաստվում ենք վաղվա խաղին: Պատրաստ ենք Ղախաստանի թիմի հետ հանդիպմանը:
Այս մասին լրագրողների հետ զրույցում ասաց Հայաստանի հավաքականի դարպասապահ Օգնյեն Չանչարեւիչը:
Օգնյեն Չանչարեւիչը ֆուտբոլի Հայաստանի հավաքականի հետ միասին պատրաստվում է հունիսի 6-ին Երեւանի Վազգեն Սարգսյանի անվան «Հանրապետական» մարզադաշտում Ղազախստանի հավաքականի հետ ընկերական հանդիպմանը:
«Շատ ուրախ եմ գտնվել այստեղ: Ճանաչում եմ Ղազախստանի հավաքականից մի քանի ֆուտբոլիստների, հնարավորություն եմ ունեցել խաղալ: Առաջիկա խաղից առաջ թիմում լավ տրամադրություն է, բոլորս մեծ ուժով պատրաստվում ենք առաջիկա խաղերին: Պատրաստ ենք վաղվա հանդիպմանը»,- նշեց Օգնյեն Չանչարեւիչը:
Հայաստան - Ղազախստան հանդիպումը տեղի կունենա հունիսի 6–ին Երեւանի Վազգեն Սարգսյանի անվան «Հանրապետական» ստադիոնում եւ կմեկնարկի Երեւանի ժամանակով 18:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.