ԱԱ-2026-ի ամենակրտսեր եւ ամենաավագ մասնակիցները
00:31 3 հունիսի, 2026Ֆուտբոլի միջազգային ֆեդերացիան հրապարակել է հունիսի 11-ից հուլիսի 19-ը ԱՄՆ-ում, Կանադայում եւ Մեքսիկայում անցկացվելիք աշխարհի առաջնությանը հայտավորված մասնակիցների վերջնական ցուցակները։
Աշխարհի առաջնության ամենակրտսեր մասնակիցը կլինի Մեքսիկայի հավաքականի եւ մեքսիկական «Տիխուանայի» կիսապաշտպան Խիլբերտո Մորան, որը 17 տարեկան եւ 240 օրական է։ Ավագագույն մասնակիցը Շոտլանդիայի հավաքականի եւ շոտլանդական «Հարթսի» դարպասապահ Քրեյգ Գորդոնն է՝ 43 տարեկան եւ 162 օրական։
Պորտուգալիայի հավաքականի եւ սաուդյան «Ալ Նասրի» 41-ամյա հարձակվող Կրիշտիանու Ռոնալդուն երկրորդ ամենաավագ մասնակիցն է։ Եռյակը եզրափակում է Մեքսիկայի հավաքականի եւ Կիպրոսի ԱԵԼ-ի 40-ամյա դարպասապահ Գիլիերմո Օչոան։
Աշխարհի առաջնությանը հայտավորված ֆուտբոլիստներից 22-ը 20 տարեկանից երիտասարդ է, 7 խաղացող 40-ից բարձր տարիքի է։
Աշխարհի առաջնությանն առաջին անգամ կմասնակցի 48 հավաքական։ Հայտավորված է 1248 ֆուտբոլիստ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.