Մուսաեւ. Եթե լինի մեծ առաջարկ լավ ակումբից, Գալիցկին կընդառաջի Սպերցյանին
19:05 2 հունիսի, 2026Ռուսաստանի փոխչեմպիոն «Կրասնոդարի» գլխավոր մարզիչ Մուրադ Մուսաեւը նշել է թիմի ավագ, Հայաստանի հավաքականի կիսապաշտպան Էդուարդ Սպերցյանի տրանսֆերի գլխավոր պայմանը։
«Չգիտեմ, թե ինչու բոլորն ասում են, որ Էդիկն անպայման պետք է գնա այստեղից։ Բայց նա լճացման մեջ չէ, զարգանում է, ռեկորդներ է գրանցում, տիտղոս է նվաճում։ Այս մրցաշրջանը նրա համար ռեկորդային էր վիճակագրությամբ։ Սպերցյանը երեք տարի ճանաչվել է ռուսական Պրեմիեր լիգայի լավագույն կիսապաշտպան։ Կարծում եմ՝ չորրորդ անգամ էլ նա կճանաչվի լավագույնը։
Սպերցյանը հասկանում է, որ եթե լինի մեծ առաջարկ լավ ակումբից, Սերգեյ Գալիցկին կընդառաջի նրան։ Եթե դա տեղի չունենա, նա կշարունակի պայքարել ամենաբարձր տեղերի համար Ռուսաստանում, բարելավել արդյունավետության ռեկորդներ։ Դա եւս գերազանց ուղի է։ Ես վստահ եմ, որ Էդիկը վայելում է իր կարիերայի ամեն օրն այստեղ»,- Մուսաեւի խոսքը մեջբերում է championat.com-ը։
Ռուսաստանի ավարտված առաջնությունում Սպերցյանը խփել է 13 գոլ, կատարել 16 գոլային փոխանցում։
Transfermarkt-ը 25-ամյա ֆուտբոլիստի տրանսֆերային արժեքը գնահատում է 25 միլիոն եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.