ՊՍԺ-ն երկրորդ տարին անընդմեջ նվաճեց Չեմպիոնների լիգայի գավաթը (տեսանյութ)

23:01   30 մայիսի, 2026

Ֆրանսիայի չեմպիոն ՊՍԺ-ն իսպանացի գլխավոր մարզիչ Լուիս Էնրիկեի ղեկավարությամբ երկրորդ տարին անընդմեջ նվաճեց Չեմպիոնների լիգայի գավաթը՝ եզրափակիչում պարտության մատնելով Անգլիայի չեմպիոն Լոնդոնի «Արսենալին» հետխաղային 11-մետրանոցներով։

Հունգարիայի մայրաքաղաք Բուդապեշտի «Պուշկաշ Արենա» ստադիոնում տեղի ունեցած հանդիպման հիմնական ժամանակն ավարտվեց ոչ ոքի՝ 1:1։ 

Արդեն 6-րդ րոպեին աչքի ընկավ անգլիական թիմի 26-ամյա գերմանացի հարձակվող Կայ Հավերցը։

65-րդ րոպեին ՊՍԺ-ի վրացի հարձակվող Խվիչա Կվարացխելիայի նկատմամբ խախտման համար նշանակված 11-մետրանոցն արդյունավետ իրացրեց ֆրանսիացի հարձակվող Ուսման Դեմբելեն (տեսանյութ)։

Լրացուցիչ ժամանակում գոլ չգրանցվեց։

Հետխաղային 11-մետրանոցներն ավելի հաջող իրացրին փարիզյան թիմի ֆուտբոլիստները՝ 4:3 (տեսանյութ):

ՊՍԺ․ Սաֆոնով, Մարկինյոս, Պաչո, Մենդեշ, Հակիմի, Նեւեշ, Վիտինյա, Ռուսի, Դուե, Կվարացխելիա, Դեմբելե։

«Արսենալ»․ Ռայա, Սալիբա, Մագալյանս, Լյուիս-Սքելի, Մոսկերա, Ինկապիե, Տրոսարդ, Ռայս, Էդեգոր, Սակա, Հավերց։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.