Մեծ Բրիտանիայի հակահետախուզությունը (MI5) Լոնդոնի Օլիմպիական խաղերի ընթացքում կիրականացնի խոշորագույն գործողությունը Երկրորդ համաշխարհային պատերազմից ի վեր:
Խաղերի անվտանգության ապահովման համար գործողությանը կմասնակցեին MI5-ի 3,8 հազար աշխատակիցներ: Հակահետախուզությունը պատասխանատու կլինի ավելի քան 100 երկրների ղեկավարների համար, որոնք Օլիմպիական խաղերի օրերին այցելելու են Լոնդոն:
Հակաահաբեկչական անվտանգության շրջանակում ազգային օլիմպիական պատվիրակություններին կուղեկցեն նաեւ ազգային հատուկ ծառայությունների աշխատակիցներ:
ԱՄՆ-ի եւ Իսրայելի պատվիրակություններին կուղեկցեն FBI-ի եւ «Մոսադի» մոտ հազար աշխատակիցներ:
Օլիմպիական խաղերի մասնակիցների անվտանգությունը կապահովեն նաեւ բրիտանական բանակի ստորաբաժանումները: Միջոցառումների ընդհանուր ծախսը կկազմի 1,58 միլիարդ դոլար, գրում է բրիտանական Independent-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։