Marca. Ռոնալդուն կհեռանա «Ռեալից» Մեսիի պատճառով
10:05 21 դեկտեմբերի, 2012Պորտուգալիայի ազգային հավաքականի ավագ Կրիշտիանու Ռոնալդուն 2012/2013 մրցաշրջանի վերջում կհեռանան Մադրիդի «Ռեալից», տեղեկացնում է իսպանական Marca թերթը:
27-ամյա պորտուգալացուն չի գոհացնում իր աշխատավարձն Արքայական ակումբում: Ռոնալդուն կարծում է, որ ինքը նույն վերաբերմունքին չի արժանանում «Ռեալում», ինչպես Լիոնել Մեսիին են վերաբերվում «Բարսելոնայում»: Նոր պայմանագրով 25-ամյա Մեսին կատալոնական ակումբում կստանա տարեկան 16 միլիոն եվրո աշխատավարձ եւ կդառնա աշխարհի երկրորդ ամենաբարձր վարձատրվող ֆուտբոլիստը: Արքայական անումբում նույնպես նոր պայմանագիր են պատրաստում Ռոնալդուի համար՝ ավելի լավ ֆինանսական պայմաններով: Սակայն Մադրիդում պորտուգալացու ապագան այնքան էլ լուսավոր չէ:
Ռոնալդուն կարծում է, որ ինքը շատ բան է արել «Ռեալի» համար, իսկ ակումբը նույն կերպ չի պատասխանել իրեն: Մինչեւ օրս ոչ մի փոփոխություն չի եղել նրա պայմանագրում, ինչը չի կարող գոհացնել պորտուգալացուն: «Ռեալը» չի մտածում Ռոնալդուի մասին այնպես, ինչպես «Բարսելոնան»՝ Մեսիի մասին: Բացի այդ՝ Արքայական ակումբի նախագահը Ռոնալդուին այնպես չի վերաբերվում, ինչպես «Բարսելոնայի» նախագահն աշխարհի լավագույն ֆուտբոլիստին, գրում է Marca-ն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։