Երիտասարդական ԱԱ. Գրիգոր Ղազարյանի եւ Գագիկ Մկրտչյանի արդյունքները
17:06 8 մայիսի, 2026Եգիպտոսի Իսմայիլիա քաղաքում ավարտվող ծանրամարտի աշխարհի երիտասարդական առաջնությունում մրցահարթակ դուրս եկան Հայաստանի վերջին ներկայացուցիչները:
Տղամարդկանց 110 կգ քաշայինների պայքարում Գրիգոր Ղազարյանը երկամարտի 364 կգ արդյունքով 5-րդն է: Պոկում վարժությունում Ղազարյանը բարձրացրեց 163 կգ, հրումում՝ 201 կգ:
Գերծանր քաշայինների պայքարում Հայաստանի ներկայացուցիչ Գագիկ Մկրտչյանը երկամարտի արդյունք չգրանցեց:
Պոկում վարժությունում Հայաստանի ներկայացուցիչը առաջին մոտեցմամբ բարձրացրեց 150 կգ: Երկրորդ մոտեցման համար պատվիրված 155 կգ-ը եւս հաջողությամբ պոկեց: Երրորդ մոտեցումը ձախողեց, որի համար պատվիրել էր 160 կգ: Այս վարժությունում Գագիկ Մկրտչյանն 9-րդն է:
Հրում վարժությունում Հայաստանի ներկայացուցիչը զրո ստացավ: Առաջին երկու մոտեցմամբ Մկրտչյանը չկարողացավ հրել 190 կգ, երրորդ մոտեցմամբ էլ՝ 191 կգ-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.