Էլինա Ավանեսյանը սովորում է հայերեն (ֆոտո)

17:06   5 մայիսի, 2026

Կանանց թենիսի ասոցիացիայի (WTA) վարկանիշային աղյուսակում աշխարհի 312-րդ ռակետ, Հայաստանի դրոշի ներքո հանդես եկող ռուսաստանցի Էլինա Ավանեսյանը սովորում է հայերեն:

Թենիսիստուհին սոցցանցերում հրապարակում է արել իր առաջին դասընթացից եւ ցուցադրել, թե ինչպես է առաջին անգամ գրում հայերեն տառերը:

Էլինա Ավանեսյանի մասնակցությամբ վերջին մրցաշարը եղել է Մադրիդում անցկացված թենիսի կանանց WTA-125 շարքի մրցաշարը, որտեղ Հայաստանի ներկայացուցիչը հասել է մինչեւ քառորդ եզրափակիչ, որտեղ պարտվել է աշխարհի 294-րդ ռակետ, իսպանացի Մինտեգի Դել Օլմոյին։

Էլինա Ավանեսյանը 2025 թ.  սեպտեմբերին հայտնել էր, որ մոնոնուկլեոզ հիվանդության պատճառով կարիերայում դադար է վերցնում։ Երկու ամիս անց թենիսիստուհին վերադարձել է կորտ՝ մասնակցելով Արգենտինայի Տուկուման քաղաքում անցկացվող WTA-125 շարքի մրցաշարի։

2025 թ. ապրիլին Ավանեսյանը WTA համաշխարհային դասակարգման աղյուսակում 36-րդն էր եւ տեւական ժամանակ պահպանել է դիրքերը աշխարհի լավագույն 50-յակում:

Մայիսի 4-ի թարմացված աղյուսակում Հայաստանի ներկայացուցիչը 312-րդն է։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.