«Ինտերը» 21-րդ անգամ հռչակվեց Իտալիայի չեմպիոն, Մխիթարյանը՝ գոլի հեղինակ (տեսանյութ)

00:40   4 մայիսի, 2026

Միլանի «Ինտերը» 21-րդ անգամ նվաճեց Իտալիայի չեմպիոնի տիտղոսը։

Ա Սերիայի առաջնության 35-րդ տուրում անցած մրցաշրջանի փոխչեմպիոնն ընդունեց «Պարմային» եւ առավելության հասավ 2:0 հաշվով։

Ռումինացի Կրիստիան Կիվուի գլխավորած թիմից առաջին խաղակեսին ավելացված առաջին րոպեին աչքի ընկավ ֆրանսիացի հարձակվող Մարկուս Տյուրամը (տեսանյութ)։

Հայաստանի հավաքականի նախկին ավագ, կիսապաշտպան Հենրիխ Մխիթարյանը պահեստայինների թվում էր եւ փոխարինման դուրս եկավ 67-րդ րոպեին։ Նա գոլի հեղինակ դարձավ 80-րդ րոպեին։ Մխիթարյանին գոլային փոխանցում կատարեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։

«Ինտերը» վաստակեց 82 միավոր եւ առաջնության ավարտից 3 տուր առաջ 12 միավոր գերազանցում է երկրորդ տեղում գտնվող անցած տարվա չեմպիոն «Նապոլիին»։

«Ինտերի» կազմում Հենրիխ Մխիթարյանը երկրորդ անգամ դարձավ Իտալիայի չեմպիոն 2024 թվականի տիտղոսից հետո։

Կրիստիան Կիվուն 2025թ․ հունիսից է գլխավորում «Ինտերը»։ Ֆուտբոլիստի կարիերայի ընթացքում նա «Ինտերի» հետ երեք անգամ դարձել է Իտալիայի չեմպիոն, երկու անգամ՝ Իտալիայի գավաթակիր, մեկ անգամ՝ Չեմպիոնների լիգայի գավաթակիր։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.