ՉԼ․ ՊՍԺ-ն հաղթեց «Բավարիային»՝ 5:4 (տեսանյութ)
00:57 29 ապրիլի, 2026Չեմպիոնների լիգայի կիսաեզրափակիչի առաջին խաղում Ֆրանսիայի չեմպիոն եւ Չեմպիոնների լիգայի գավաթակրի տիտղոսը պաշտպանող ՊՍԺ-ն Փարիզում ընդունեց Գերմանիայի նորընծա չեմպիոն Մյունխենի «Բավարիային» եւ հաղթեց 5:4 հաշվով։
17-րդ րոպեին հանդիպման հաշիվը 11-մետրանոցից բացեց «Բավարիայի» անգլիացի հարձակվող Հարի Քեյնը։
24-րդ րոպեին պատասխան գոլը խփեց վրացի հարձակվող Խվիչա Կվարացխելիան։
Իսպանացի Լուիս Էնրիկեի գլխավորած թիմին առաջ մղեց պորտուգալացի կիսապաշտպան Ժոաու Նեւեշը, որն աչքի ընկավ 33-րդ րոպեին։
41-րդ րոպեին հավասարությունը վերականգնեց «Բավարիայի» ֆրանսիացի կիսապաշտպան Մայքլ Օլիսեն։
Առաջին խաղակեսի ավելացված 5-րդ րոպեին ՊՍԺ-ից ֆրանսիացի հարձակվող Ուսման Դեմբելեն արդյունավետ իրացրեց 11-մետրանոցը։
Երկրորդ խաղակեսում թիմերը եւս երկուական գոլ խփեցին։
56-րդ րոպեին դուբլ ձեւակերպեց Խվիչա Կվարացխելիան։ 3 րոպե անց ՊՍԺ-ի 5-րդ գոլը խփեց Դեմբելեն։
65-րդ րոպեին հաշվի տարբերությունը կրճատեց գերմանական թիմի ֆրանսիացի պաշտպան Դեո Ուպամեկանոն։ 69-րդ րոպեին «Բավարիայի» չորրորդ գոլը խփեց կոլումբացի հարձակվող Լուիս Դիասը։
Պատասխան հանդիպումը Մյունխենում տեղի կունենա ապրիլի 6-ին։
Եզրափակիչի մյուս ուղեգիրը կվիճարկեն Անգլիայի փոխչեմպիոն «Արսենալն» ու Մադրիդի «Աթլետիկոն»։ Այս թիմերի առաջին հանդիպումը տեղի կունենա ապրիլի 29-ին Լոնդոնում։
Չեմպիոնների լիգա, կիսաեզրափակիչ, առաջին հանդիպում
ՊՍԺ - «Բավարիա»՝ 5:4 (տեսանյութ)
Խվիչա Կվարացխելիա, 24, 56, Ժոաու Նեւեշ, 33, Ուսման Դեմբելե, 45+5, 11մ, 59 - Հարի Քեյն, 17, 11մ, Մայքլ Օլիսե, 41, Դեո Ուպամեկանո, 65, Լուիս Դիաս, 69
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.