Էմմա Պողոսյանը՝ Եվրոպայի չեմպիոն
21:02 24 ապրիլի, 2026Երիտասարդների աշխարհի եւ Եվրոպայի չեմպիոն Էմմա Պողոսյանը հավասարը չունեցավ մեծահասակների Եվրոպայի առաջնությունում:
Վրաստանում անցկացվող ծանրամարտի Եվրոպայի առաջնությունում կանանց 86 կգ քաշայինների պայքարում 19-ամյա Պողոսյանը երկամարտի 248 կգ արդյունքով նվաճեց չեմպիոնի տիտղոսը (107+141):
Այս վարժությունում Հայաստանի երկրորդ ներկայացուցիչ, Եվրոպայի փոխչեմպիոն Լիանա Գյուրջյանը երկամարտում հավաքեց 236 (101+135): Լիանա Գյուրջյանը՝ երկամարտի արդյունքով 5-րդն է:
Էմմա Պողոսյանը պոկում վարժությունում հաջող կատարեց բոլոր երեք մոտեցումները՝ բարձրացնելով 102 կգ, 105կգ եւ 107 կգ:
Լիանա Գյուրջյանը միայն մեկ մոտեցում հաջողեց, որով պոկեց 101 կգ:
Էմմա Պողոսյանն այս վարժությունում արժանացավ փոքր բրոնզե մեդալի, Լիանա Գյուրջյանը՝ 9-րդն է:
Հրում վարժությունում Պողոսյանը երեք հաջող մոտեցում կատարեց՝ 132 կգ, 134 կգ եւ 141 կգ: Այս քաշում նա վաստակեց փոքր ոսկե մեդալ:
Լիանա Գյուրջյանը հրեց՝ 130 կգ, ապա 135 կգ, երրորդ մոտեցումը՝ 141 կգ-ը ձախողեց: Այս վարժությունում արժանացավ փոքր արծաթե մեդալի:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.