Ծանրամարտի ԵԱ. Ռաֆիկ Հարությունյանը 7-րդն է (ֆոտո, վիդեո)
18:17 23 ապրիլի, 2026Եվրոպայի չեմպիոն, փոխչեմպիոն Ռաֆիկ Հարությունյանը 7-րդն է Վրաստանի Բաթումի քաղաքում անցկացվող ծանրամարտի Եվրոպայի առաջնությունում: 88 կգ քաշայինների А խմբի պայքարում Ռաֆիկ Հարությունյանը երկամարտում հավաքեց 355 կգ (164+195):
Այս քաշային կարգում հանդես եկող Հայաստանի նախկին անդամ Անդրանիկ Կարապետյանը երկամարտի 361 կգ արդյունքով բրոնզե մեդալակիր է (167+194):
Պոկում վարժությունում Հարությունյանն առաջին մոտեցումը ձախողեց, երկրորդ փորձով պոկեց 160 կգ-ը: Երրորդ մոտեցումն էլ ձախողեց, որի համար մարզիչները պատվիրել էին 164 կգ: Այս վարժությունում Ռաֆիկ Հարությունյանը 8-րդն է:
Հայաստանի հավաքականի նախկին անդամ, Եվրոպայի չեմպիոն, Բոսնիան եւ Հերցեգովինան ներկայացնող Անդրանիկ Կարապետյանը այս վարժությունում պոկեց 163 կգ: Երկրորդ մոտեցման 167-ը ձախողեց, բայց երրորդ մոտեցմամբ հաջողությամբ ֆիքսեց ծանրաձողը գլխավերեւում: Անդրանիկ Կարապետյանը արժանացավ փոքր արծաթե մեդալի:
Հրում վարժությունում Ռաֆիկ Հարությունյանը պայքարը սկսեց 195 կգ-ով, բայց հաջողեց միայն երկրորդ փորձից: Երրորդ մոտեցման համար մարզիչները պատվիրեցին 205 կգ, որը նույնպես չկարողացավ բարձրացրել: Այս վարժությունում Ռաֆիկ Հարությունյանը 7-րդն է:
Անդրանիկ Կարապետյանն այս վարժությունում հաջողեց բոլոր երրեք մոտեցումները հրելով՝ 182 կգ, 190 կգ եւ 194 կգ:
Եվրոպայի չեմպիոնի կոչումը նվաճեց մոլդովացի Մարին Ռոբուն, որը երկամարտում գրանցեց 373 կգ արդյունք (173+200): Արծաթե մեդալակիր դարձավ վրացի Զուրաբ Մսխալաձեն՝ 363 կգ (163+200):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.