Ծանրամարտի ԵԱ․ Մրցահարթակ դուրս կգա Մարտին Պողոսյանը
10:09 22 ապրիլի, 2026Վրաստանի Բաթումի քաղաքում անցկացվող ծանրամարտի Եվրոպայի առաջնությունում ապրիլի 22-ին Հայաստանը կունենա մեկ ներկայացուցիչ: Մրցահարթակ դուրս կգա Մարտին Պողոսյանը 79 քաշայինների А խմբի պայքարում:
Այս քաշային կարգում մեդալի համար կպայքարի 11 ծանրորդ: Մարտին Պողոսյանի նախնական հայտը երկամարտում 345 կգ է: Նույն քաշն են պատվիրել եւս 3 ծանրորդ: Ֆավորիտը ադրբեջանցի Ռավին Ալմամադովն է, որը պատվիրել է 350 կգ:
Մարտին Պողոսյանը Հայաստանի չեմպիոն է, երիտասարդական աշխարհի առաջնության փոքր բրոնզե մեդալակիր:
A խմբի մրցումը կմեկնարկի Երեւանի ժամանակով 19:00-ին։
Հայաստանի առաջին մեդալը Բաթումիում անցկացվող Եվրոպայի առաջնությունում նվաճել է Գառնիկ Չոլակյանը: 60 կգ քաշայինների պայքարում Չոլակյանը դարձավ Եվրոպայի փոխչեմպիոն: Երկամարտում նա հավաքեց 274 կգ (124+150) եւ 71 կգ քաշային Գոռ Սահակյանը, որը երկամարտի 330 կգ արդյունքով փոխչեմպիոն է(15+180) Կանանց հավաքականից Ալեքսանդրա Գրիգորյանը (58 կգ) երկամարտի 210 կգ արդյունքով նվաճեց արծաթե մեդալ (91+119):
Հայաստանի հավաքականները Եվրոպայի առաջնությանը մասնակցում են 16 ծանրորդով՝ 8 տղամարդ, 8 կին:
Հակոբ Փիլոսյանի գլխավորած հավաքականի կազմում Բաթումիի մրցահարթակում մասնակցում են նաեւ Ռաֆիկ Հարությունյանը (88 կգ), Արա Աղանյանը (94 կգ), Սիմոն Մարտիրոսյանը եւ Գարիկ Կարապետյանը (երկուսն էլ՝ 110 կգ) եւ Վարազդատ Լալայանը (+110 կգ):
Արտաշես Ներսիսյանի գլխավորած հավաքականի կազմում Բաթումիի մրցահարթակում կանանց մասնակցում են նաեւ Աննա Ամրոյանը եւ Ալինա Սուքիասյանը (77 կգ), Էմմա Պողոսյանը եւ Լիանա Գյուրջյանը (86 կգ) եւ Տաթեւ Հակոբյանը (+86 կգ):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.