Ֆլիկ․ Մենք հիասթափված ենք
13:05 15 ապրիլի, 2026Իսպանիայի չեմպիոն «Բարսելոնայի» գերմանացի գլխավոր մարզիչ Հանս-Դիտեր Ֆլիկը մեկնաբանել է Չեմպիոնների լիգայի քառորդ եզրափակիչում Մադրիդի «Աթլետիկոյի» արգելքը չհաղթահարելը։ Պատասխան խաղում կատալոական թիմը հաղթել է 2:1 հաշվով, սակայն առաջին խաղում 0:2 հաշվով կրած պարտության պատճառով ավարտեց մրցելույթը գլխավոր եվրագավաթային մրցաշարում։
«Մենք հիասթափված ենք։ Թիմը ցուցադրեց ֆանտաստիկ խաղ նույնիսկ 10 խաղացողներով մնալուց հետո։ Հաջողությունը չժպտաց մեզ, բայց մենք պետք է ընդունենք այս ամենը եւ շարժվենք առաջ։
Առաջին խաղակեսում մենք ավելի շատ հնարավորություններ ունեինք, բայց գոլ բաց թողեցինք։ Ֆուտբոլն այսպիսինն է, մենք պետք է ավելի լավ խաղանք։ Թիմը տվեց բոլոր ուժերը, բայց մի փոքր չհերիքեց»,- Ֆլիկի խոսքը մեջբերում է AS-ը։
Անցած մրցաշրջանում «Բարսելոնան» Չեմպիոնների լիգայում հասել էր կիսաեզրափակիչ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.