NBA. Փլեյ-օֆֆի զույգերը հայտնի են
12:10 13 ապրիլի, 2026Բասկետբոլի ազգային ասոցիացիայի (NBA) կանոնավոր առաջնության ավարտից հետո հայտնի են փլեյ-օֆֆի եւ փլեյ-ինի զույգերը։
Արեւելյան կոնֆերենցիայում «Դետրոյթ Փիսթոնսն» ու «Բոստոն Սելթիքսը» սպասում են իրենց մրցակիցներին, որոնք հայտնի կդառնան փլեյ-ին մրցաշարում «Շառլոթ Հորնեթսի», «Մայամի Հիթի», «Ֆիլադելֆիա Սիքսերսի» եւ «Օռլանդո Մեջիքի» մասնակցությամբ։
Փլեյ-օֆֆի առաջին փուլում «Քլիվլենդ Քավալիերսը» կմրցի «Տորոնտո Ռեփթորսի», «Նյու Յորք Նիքսը»՝ «Ատլանտա Հոուքսի» հետ։
Արեւմտյան կոնֆերենցիայում «Օկլահոմա Սիթի Թանդերի» եւ «Սան Անտոնիո Սփյորսի» մրցակիցները հայտնի կդառնան փլեյ-ինի մրցաշարում «Լոս Անջելես Քլիփերսի», «Գոլդեն Սթեյթ Ուորիորզի», «Ֆինիքս Սանզի» եւ «Պորտլենդ Թրեյլ Բլեյզերսի» մասնակցությամբ։
Փլեյ-օֆֆի առաջին շրջանում «Լոս Անջելես Լեյքերսը» կմրցի «Հյուսթոն Ռոքեթսի», «Դենվեր Նագեթսը»՝ «Մինեսոտա Թիմբերվուլվզի» հետ։
Փլեյ-ինի ձեւաչափի համաձայն՝ առաջինը իրար հետ մրցում են կանոնավոր առաջնությունան արդյունքում ամեն կոնֆերենցիայում 7-րդ եւ 8-րդ տեղերը գրաված թիմերը։ Այս մրցախաղի հաղթողը դուրս է գալիս փլեյ-օֆֆ։ Պարտվողը հանդիպում է կոնֆերենցիայում 9-րդ եւ 10-րդ տեղերը գրաված թիմերի դիմակայության հաղթողի հետ եւ վիճարկում փլեյ-օֆֆի ուղեգիր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.