Ֆլիկը քննադատել է «Բարսելոնա» - «Աթլետիկո» հանդիպման մրցավարներին
11:41 9 ապրիլի, 2026Իսպանիայի չեմպիոն «Բարսելոնայի» գերմանացի գլխավոր մարզիչ Հանս-Դիտեր Ֆլիկը քննադատել է մրցավարությունը Մադրիդի «Աթլետիկոյի» դեմ Չեմպիոնների լիգայի առաջին խաղում։ Կատալոնական թիմը տանը պարտվել է 0:2 հաշվով։
«Աթլետիկոյի» պաշտպան Մարկ Պուբիլը սեփական տուգանային հրապարակում ձեռքով կասեցրել էր գնդակը, երբ այն խաղի մեջ էր մտցրել մադրիդյան թիմի դարպասապահ Խուան Մուսոն, սակայն չէր զգուշացվել դեղին քարտով, որը նրա համար կլիներ երկրորդը եւ կհեռացվեր։
«Չեմ հասկանում՝ ինչ է կատարվում մի իրավիճակում, երբ դարպասապահը սկսում է խաղը, իսկ պաշտպանը ձեռքով կանգնեցնում է գնդակը եւ նորից այն մտցնում է խաղից հետո։
Ինձ համար դա ակնհայտ երկրորդ դեղին քարտ էր եւ 11-մետրանոց։ VAR-ի մրցավարները պետք է բացատրեն, թե ինչու այդ դրվագը չի քննարկվել իրենց կողմից։
Չեմ կարող հավատալ, որ այդտես չկար դեղին քարտ, իսկ նրա դեպքում դա կլիներ հեռացում։ Սա անարդար է։ Պետք է ընդունենք այս հաշիվը եւ պայքարենք պատասխան խաղում»,- Ֆլիկի խոսքը մեջբերում է ESPN-ը։
44-րդ րոպեին կարմիր քարտ էր ստացել «Բարսելոնայի» իսպանացի պաշտպան Պաու Կուբարսին։
Պատասխան հանդիպումը Մադրիդում տեղի կունենա ապրիլի 14-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.