ՉԼ․ Շաբաթվա լավագույն խաղացողի մրցանակի հավակնորդները
11:10 9 ապրիլի, 2026Չեմպիոնների լիգայի քառորդ եզրափակիչի առաջին հանդիպումներից հետո ՈՒԵՖԱ-ն հրապարակել է շաբաթվա լավագույն խաղացողի մրցանակի հավակնորդների քառյակը։
Մրցանակին հավակնում են Գերմանիայի չեմպիոն Մյունխենի «Բավարիայի» գերմանացի դարպասապահ Մանուել Նոյերը, Ֆրանսիայի չեմպիոն եւ Չեմպիոնների լիգայի գավաթակիր ՊՍԺ-ի վրացի վինգեր Խվիչա Կվարացխելիան, Անգլիայի փոխչեմպիոն Լոնդոնի «Արսենալի» իսպանացի դարպասապահ Դավիդ Ռայան եւ Մադրիդի «Աթլետիկոյի» արգենտինացի հարձակվող Խուլիան Ալվարեսը։
Նոյերը Իսպանիայի փոխչեմպիոն Մադրիդի «Ռեալի» դեմ արտագնա խաղում հետ է մղել դարպասին կատարած 9 հարվածից 8-ը։ «Բավարիան» հաղթել է 2:1 հաշվով։
Ռայան պորտուգալական «Սպորտինգի» դեմ խաղում գոլ բաց չի թողել եւ կատարել է 5 սեյվ։ «Արսենալը» հաղթել է 1:0 հաշվով։
Ալվարեսը գոլ է խփել Իսպանիայի չեմպիոն «Բարսելոնայի» դեմ արտագնա խաղում, «Աթլետիկոն» հաղթել է 2:0 հաշվով։
Կվարացխելիան գոլի հեղինակ է դարձել Անգլիայի չեմպիոն «Լիվերպուլի» դեմ տնային խաղում, ՊՍԺ-ն հաղթել է 2:0 հաշվով։
Քվեարկությունն անցկացվում է ՈՒԵՖԱ-ի կայքում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.