Մանուել Նոյերը կրկնեց Լիոնել Մեսիի ցուցանիշը
20:03 8 ապրիլի, 2026Գերմանիայի չեմպիոն Մյունխենի «Բավարիայի» 40-ամյա դարպասապահ Մանուել Նոյերը կրկնեց «Բարսելոնայի» նախկին աստղ, աշխարհի չեմպիոն եւ Ամերիկայի գավաթակիր Արգենտինայի հավաքականի հարձակվող Լիոնել Մեսիի («Ինտեր Մայամի») ցուցանիշը Չեմպիոնների լիգայում։
Մասնակցելով Իսպանիայի փոխչեմպիոն Մադրիդի «Ռեալի» դեմ հանդիպմանը Չեմպիոնների լիգայի քառորդ եզրափակիչում՝ Մանուել Նոյերը 136-րդ հանդիպումն անցկացրեց գլխավոր եվրագավաթային մրցաշարում։
Ռեկորդակիրը «Ռեալի» նախկին դարպասապահ, իսպանացի Իկեր Կասիլյասն է, որը 149 հանդիպում է անցկացրել Չեմպիոնների լիգայում։
Քառորդ եզրափակիչի առաջին խաղում «Բավարիան» «Ռեալին» հաղթել էր 2։1 հաշվով։ Նոյերը ճանաչվել էր հանդիպման լավագույն խաղացող։ Պատասխան հանդիպումը Մյունխենում տեղի կունենա ապրիլի 15-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.