Աշխարհի գավաթ․ Համլետ Մանուկյանը՝ ոսկե մեդալակիր (տեսանյութ)
20:18 5 ապրիլի, 2026Եգիպտոսի մայրաքաղաք Կահիրեում անցկացվող սպորտային մարմնամարզության աշխարհի գավաթի չորրորդ փուլի մրցաշարում Հայաստանի ներկայացուցիչ Համլետ Մանուկյանը դարձավ հաղթող նժույգ թափեր վարժությունում։ Նա վաստակեց 14.800 միավոր։
Երկրորդ եւ երրորդ տեղերը գրավեցին Ղազախստանի ներկայացուցիչները։
Արթուր Ավետիսյանը օղակների վարժությունում գրավեց երկրորդ տեղը՝ ցույց տալով 14.300 միավոր։ Ոսկե մեդալը նվաճած հույն Էլեֆտերիոս Պետրոունիասի արդյունքն է 14.366 միավոր։
Աշխարհի գավաթի խաղարկության 6 փուլերից Հայաստանի հավաքականը մասնակցել էր միայն մեկին՝ Գերմանիայի Կոտբուս քաղաքում անցկացված առաջին փուլին: Երկրորդ փուլն ազգային թիմը բաց է թողել, քանի որ այն անցկացվում էր Բաքվում: Թուրքիայում տեղի ունեցած երրորդ փուլին թիմը եւս չի մասնակցել, քանի որ չէր կարողանում Դոհայից վերադառնալ հայրենիք՝ Մերձավոր Արեւելքում շարունակվող ռազմական գործողությունների պատճառով:
5-րդ փուլը տեղի կունենա Խորվաթիայի Օսիեկ քաղաքում: 6-րդ փուլը, որը պետք է անցկացվեր Կատարի մայրաքաղաք Դոհայում, Մարմնամարզության միջազգային ֆեդերացիայի կողմից չեղարկվել է, կրկին Մերձավոր Արեւելքում շարունակվող ռազմական գործողությունների պատճառով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.