Նաիր Թիկնիզյան․ Բոլորիս գլխավոր խնդիրը հաղթանակն է

18:00   28 մարտի, 2026

Մեզ համար ընկերական խաղեր չկան, կա հերթական խաղ։ Բոլորիս գլխավոր խնդիրը հաղթանակն է: Ես նույն մոտիվացիայով եմ մտնում խաղադաշտ այնպես, ինչպես առաջին անգամ:

Այս մասին լրագրողների հետ նախախաղային ասուլիսում նշեց Հայաստանի հավաքականի եւ սերբական «Ցրվենա Զվեզդայի» եզրային պաշտպան Նաիր Թիկնիզյանը:

Մարտի 29-ին Հայաստանի ազգային հավաքականն Երեւանում ընկերական հանդիպում կանցկացնի Բելառուսի թիմի հետ:

«Մենք պատրաստվել ենք վաղվա խաղին՝ ուսումնասիրելով Բելառուսի վերջին հանդիպումը: Չեմ կարող գնահատել իմ մարզավիճակը: Իմ ակումբում ավելի արդյունավետ եմ հանդես գալիս վերջին շրջանում: Կարծում եմ՝ մարզիչը կգնահատի, թե ինչ մարզավիճակում եմ այժմ: Պատրաստվել ենք այնքան, որքան մեր առջեւ խնդիր է դրել մարզչական շտաբը:

Ընկերական խաղերը մեր հավաքականի համար ընկերական չեն: Մենք խաղում ենք մեր հավաքականի, մեր երկրի համար, գալիս ենք խաղալու մեր ազգի համար: Բոլորիս առջեւ մեկ խնդիր է՝ հաղթանակ: Մեզ համար ընկերական խաղեր չկան, կա հերթական խաղ, որին կգան երկրպագուները դիտելու մարզադաշտում, իրենց տանը՝ հեռուստացույցների առջեւ: Բոլորիս գլխավոր խնդիրը հաղթանակն է, մեր երկրպագուներին ուրախացնելը:

Մեր հավաքականը երիտասարդացել է, շատ են նոր ու երիտասարդ խաղացողները: Ես նույն պատասխանատվությամբ եւ մոտիվացիայով եմ մտնում խաղադաշտ, ինչպես առաջին անգամ: Ամեն ինչ փորձում եմ անել խաղադաշտում, որպեսզի հնարավորինս օգնեմ թիմին:

Երկրպագուներին մոտիվացնելու եւ ուրախացնելու համար մենք ունենք գլխավոր խնդիր՝ հաղթանակը: Մենք կարող ենք վաղը ցույց տալ լավ խաղ, հասնել հաղթանակի եւ ուրախացնել մեզ ու երկրպագուներին: Այս փուլում այս ընկերական խաղում, ամառային հավաքի շրջանում փորձելու ենք ամեն ինչ անել, որպեսզի լավ արդյունքների հասնենք եւ Ազգերի լիգայում լավ հանդես գանք, հաղթանակով դուրս գանք խմբից»,- ասաց Նաիր Թիկնիզյանը:

Հայաստան - Բելառուս հանդիպումը տեղի կունենա մարտի 29-ին Երեւանի Վազգեն Սարգսյանի անվան «Հանրապետական» ստադիոնում եւ կմեկնարկի 18:00-ին։

Լուսինե Շահբազյան

Լուսանկարը՝ Էմմա Ասատրյանի



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.