ԱԱ. Կարինա Ակոպովան եւ Նիկիտա Ռախմանինը «Արցախ» ծրագրով 8-րդն են
01:39 26 մարտի, 2026Հայաստանի Կարինա Ակոպովա - Նիկիտա Ռախմանին սպորտային զույգը «Արցախ» ծրագրով 8-րդ տեղը գրավեց եւ հաղթահարեց Չեխիայի մայրաքաղաք Պրահայում անցկացվող աշխարհի առաջնության որակավորման փուլը: Առաջին անգամ աշխարհի առաջնությանը մասնակցող եւ Հայաստանը ներկայացնող սպորտային զույգն ապահովեց իր մասնակցությունը մարտի 26-ին անցկացվելիք ազատ ծրագրում:
Կարինա Ակոպովան եւ Նիկիտա Ռախմանինը մասնակցեցին Արա Գեւորգյանի հեղինակած «Արցախ» ստեղծագործության համանուն ծրագրով եւ վաստակեցին 67.12 միավոր: Տեխնիկան գնահատվեց 39.33 միավոր, բարդությունը՝ 27.79 միավոր:
Միլան եւ Կորտինայի ձմեռային Օլիմպիական խաղերում Կարինա Ակոպովան եւ Նիկիտա Ռախմանինը նույն ծրագրում վաստակել էին 66.27 միավոր:
Որակավորման փուլը հաղթահարեց 20 զույգ: Ամենաբարձր միավորը վաստակեց Գերմանիան ներկայացնող Միներվա Ֆաբիեն Հեյս- Նիկիտո Վոլոդին զույգը՝ 79.78 միավոր:
Նշենք, որ Կարինա Ակոպովան ազգությամբ հայ է եւ նախորդ ամառ է իր մարզական զուգընկերոջ հետ փոխել մարզական քաղաքացիությունը: Սպորտային զույգը Հայաստանի դրոշի ներքո առաջին անգամ է մասնակցում աշխարհի առաջնությանը:
Կարինա Ակոպովայի եւ Նիկիտա Ռախմանինի մասնակցությամբ ազատ ծրագիրը տեղի կունենա մարտի 26-ին եւ կմեկնարկի Երեւանի ժամանակով 21:15-ին:
Տղամարդկանց մենասահքում Հայաստանը կներկայացնի 19-ամյա Սեմյոն Դանիելյանցը: Տղամարդկանց մենասահքի կարճ ծրագրի մրցաշարը տեղի կունենա մարտի 26-ին, ազատ ծրագիրը՝ մարտի 28-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.