Սերգեյ Կիրյակով. Մովսիսյանը, Էտո՝Օ-ն ու Կոկորինը լավագույններն էին առաջին շրջանում

Ռուսաստանի Պրեմյեր լիգայի առաջին շրջանի 3 լավագույն ֆուտբոլիստներն էին Յուրա Մովսիսյանը, Սամուել Էտո՛Օ-ն եւ Ալեքսանդր Կոկորինը, հայտարարել է Ռուսաստանի ազգային հավաքականի, գերմանական «Համբուրգի» եւ Մոսկվայի «Դինամոյի» նախկին ֆուտբոլիստ Սերգեյ Կիրյակովը: Ռուս հարձակվողն ամփոփել է Ռուսաստանի առաջնության առաջին շրջանը:

Հարցին, թե ովքեր էին մեկնարկային 19 տուրերի լավագույն ֆուտբոլիստները, 42-ամյա Կիրյակովը պատասխանել է. «Կոկորին, Էտո՛Օ, Մովսիսյան»,- փոխանցում է «Спорт-Экспресс»-ը:

Հիշեցնենք, որ Ռուսաստանի ընթացիկ առաջնությունում Մովսիսյանը «Կրասնոդարի» կազմում մասնակցել է 13 հանդիպման եւ դարձել է 9 գոլի հեղինակ։ Օրեր առաջ նա 4.5 տարվա պայմանագիր էր կնքել Մոսկվայի «Սպարտակի» հետ: