ՉԼ. «Աթլետիկոյի» հզոր պատասխանը «Բրյուգեին»՝ 4:1, Սյորլոտի հեթ-տրիկը (տեսանյութ)
23:41 24 փետրվարի, 2026Ֆուտբոլի Չեմպիոնների լիգայի անցումային փլեյ-օֆֆի պատասխան խաղում Մադրիդի «Աթլետիկոն» սեփական հարկի տակ «Մետրոպոլիտան» ստադիոնում մրցեց «Բրյուգեի» հետ։ Մադրիդյան թիմը վստահ հաղթանակի հասավ Սյորլոտի հեթ-տրիկի շնորհիվ՝ 4:1:
«Աթլետիկոյի» կազմում հանդիպման 23-րդ րոպեին աչքի ընկավ նորվեգացի հարձակվող Ալեքսանդր Սյորլոտը, որին արդյունավետ փոխանցում կատարեց սլովենացի դարպասապահ Յան Օբլակը:
36-րդ րոպեին «Բրյուգեն» հավասարեցրեց հաշիվը: Աչքի ընկավ էկվադրոցի կենտրոնական պաշտպան Խոել Օրդոնիեսը:
Երկրորդ խաղակեսում արգենտինացի Դիեգո Սիմեոնեի գլխավորած թիմն առաջ անցավ հաշվի մեջ: 48-րդ րոպեին աչքի ընկավ ամերիկացի կենտրոնական կիսապաշտպան Ջոնի Կարդոզոն:
76-րդ րոպեին նորվեգացի Ալեքսանդր Սյորլոտը դուբլի հեղինակ դարձավ փոխարինման դուրս եկած նիգերիացի կենտրոնական հարձակվող Ադեմոլա Լուկմանի ասիսիտի շնորհիվ:
87-րդ րոպեին իտալացի պաշտպան Մատեո Ռուգերի արդյունավետ փոխանցումից հետո Ալեքսանդր Սյորլոտը գրանցեց հեթ-տրիկ:
Չեմպիոնների լիգայի անցումային փլեյ-օֆֆի առաջին խաղում գրանցվել էր ոչ ոքի՝ 3:3:
«Աթլետիկո Մադրիդը» դուրս եկավ Չեմպիոնների լիգայի 1/8 եզրափակիչ, որտեղ մրցակիցը կլինի անգլիական «Լիվերպուլը» կամ «Տոտենհեմը»։
Չեմպիոնների լիգա, անցումային փլեյ-օֆֆ, պատասխան հանդիպում
«Աթլետիկո Մադրիդ» - «Բրյուգե» - 4:1 (տեսանյութ)
Ալեքսանդր Սյորլոտ, 23, 76, 87, Ջոնի Կարդոզո, 48 - Խոել Օրդոնիես, 36
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.