Կիվու. «Ինտերը» կարող է փոխել դիմակայության ելքը «Բուդյո–Գլիմտի» դեմ պայքարում
11:18 24 փետրվարի, 2026Իտալիայի փոխչեմպիոն Միլանի «Ինտերի» գլխավոր մարզիչ ռումինացի Կրիստիան Կիվուն խոսել է Չեմպիոնների լիգայի փլեյ-օֆֆի պատասխան հանդիպման մասին նորվեգական «Բուդյո-Գլիմտի» դեմ։
Անցումային փլեյ-օֆֆի առաջին խաղում միլանյան ակումբը նորվեգական թիմին պարտվել էր 1:3 հաշվով։
«Խաղադաշտ պետք է դուրս գանք մեր ուժերի նկատմամբ հավատով եւ հաղթելու մեծ ցանկությամբ: Պետք է անենք հնարավորը, լինենք սառնասիրտ եւ չլարվենք այն մտքից, որ հաջորդ փուլ անցնելու համար մեզ անհրաժեշտ է 2-3 գոլ։
«Ինտերը» կարող է փոխել դիմակայության ելքը «Բուդյո-Գլիմտի» դեմ պայքարում։ Պետք է գործել առավելագույն վստահությամբ եւ ինտենսիվությամբ, ցույց տալ մեր լավագույն խաղը եւ հիշել, որ ունակ ենք փոխել ցանկացած ընթացք: Պատրաստ կլինենք ամեն ինչի», - Կիվուի խոսքը փոխանցում է Tuttomercatoweb-ը։
Չեմպիոնների լիգայի անցումային փլեյ-օֆֆի «Ինտեր» - «Բուդյո-Գլիմտի» պատասխան հանդիպումը տեղի կունենա փետրվարի 24-ին Միլանում եւ կմեկնարկի Երեւանի ժամանակով կեսգիշերին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.