Ռուբեն Նազարթեյան. Մարզահամերգային համալիրից նեղացած ենք. մեր հաշվին բարձրացրել են դահլիճի վարձակալության գինը
17:43 6 փետրվարի, 2026Ինձ համար Եվրոպայի առաջնության հաղթանակը Դավիթաշենում կառուցվող ֆուտզալի դպրոցն է: Կարեն Դեմիրճյանի անվան մարզահամերգային համալիրից նեղացած ենք. մեր հաշվին բարձրացրել են դահլիճի վարձակալության գինը:
Այս մասին լրագրողների հետ հանդիպմանն ասաց ֆուտզալի Հայաստանի հավաքականի գլխավոր մարզիչ Ռուբեն Նազարեթյանը, որն ամփոփել է Եվրոպայի առաջնությունում իր գլխավորած թիմի մրցելույթները:
Ասուլիսի ընթացքում Ռուբեն Նազարեթյանն իր հետ բերել էր ֆուտզալի նոր մարզադպրոցի հատակագիծը, որը նախատեսվում է կառուցել Երեւանի Դավիթաշենում:
«Ինձ համար Եվրոպայի առաջնության հաղթանակը Դավիթաշենում կառուցվող ֆուտզալի դպրոցն է: Խորվաթիայի խաղից առաջ վարչապետի հետ քննարկվեց այս դպրոցի կառուցվման հարցը: Անմիջապես ձեռնամուխ եղանք, քննարկեցինք: Կառավարության կողմից մեկ տարվա ընթացքում այն կկառուցվի, որը կունենա 2500 տեղանոց ստադիոն: Գուցե այն դառնա ազգային հավաքականի տնային հանդիպումների ստադիոն, եթե չբավականացնի, կփորձենք ընդհանուր համաձայնության գալ Կարեն Դեմիրճյանի անվան մարզահամերգային համալիրի հետ: Այս պահին համալիրից նեղացած ենք. մեր հաշվին բարձրացրել են դահլիճի վարձակալության գինը:
Երկու օրվա նախախաղային մարզման եւ եւ բուն խաղի համար վարձակալության գինը կազմում է 10 մլն դրամ:
Եթե Դավիթաշենի ստադիոնը մեզ չբավականացնի, կդիմենք Կառավարությանը եւ կխնդրենք մարզահամերգային համալիրի հետ գալ համաձայնության մի քիչ զեղջերով մեզ տրամադրեն դահլիճը:
Ֆուտզալը Հայաստանում դառնալու է համար մեկ մարզաձեւը: Այն շատ սիրված է այժմ, այս հաղթանակների հետո ավելի է մեծացել հետաքրքրությունը: Եվ երբ ֆուտզալն ընդգրկվի Օլիմպիական խաղերի հիմնական ծրագրում, մենք կդառնանք Հայաստանում համար մեկ մարզաձեւը թիմային պայքարում», - ասաց Ռուբեն Նազարեթյանը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.