Գերմանիան ներկայացնող Արթուր Աբրահամը պաշտպանեց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնի տիտղոսը:
Դեկտեմբերի 15-ին Գերմանիայի Նյուրնբերգ քաղաքում կայացած մենամարտում 32-ամյա Աբրահամը տեխնիական նոկաուտով առավելության հասավ աշխարհի չեմպիոնի հավակնորդ, ֆրանսիացի Մեհդի Բուադլայի նկատմամբ: Մենամարտն ավարտվեց 8-րդ ռաունդում:
1-4-րդ ռաունդներում ֆրանսիացին բավական ակտիվ էր եւ գրեթե չէր զիջում Աբրահամին, սակայն հայ բռնցքամարտիկն աստիճանաբար տիրեց նախաձեռնությանը: Բուադլան մի քանի ուժգին հարվածներ բաց թողեց եւ ստացավ դեմքի վնասվածք, որի պատճառով մրցավարն 8-րդ ռաունդում դադարեցրեց մենամարտը՝ հաղթանակը շնորհելով Աբրահամին:
Արթուր Աբրահամն առաջին անգամ պաշտպանեց գերմանացի Ռոբերտ Շտիգլիցից խլած WBO վարկածով չեմպիոնական գոտին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։