Ուլի Վեգներ. Արթուր Աբրահամի փորձը թույլ կտա հեշտ հաղթանակ տանել
21:10 15 դեկտեմբերի, 2012Մեհդի Բուադլան մինչեւ վերջ կպայքարի հաղթանակի համար, սակայն Արթուր Աբրահամը հեշտ հաղթանակ կտանի փորձի հաշվին, հայտարարել է WBO վարկածով սուպերմիջին քաշային կարգում աշխարհի չեմպիոն Արթուր Աբրահամի մարզիչ Ուլի Վեգները: Գերմանացի մասնագետն անդրադարձել է Արթուր Աբրահամ – Մեհդի Բուադլա մենամարտին:
«Իհարկե, Ռոբերտ Շտիգլիցի հետ հիանալի մենամարտից հետո Աբրահամի երկրպագուները սպասում են, որ նա ավելի լավ մարզավիճակ ձեռք կբերի: Կարծում եմ՝ մեզ հաջողվել է հասնել այդպիսի արդյունքի: Լրջորեն ենք վերաբերվում մրցակցին: Նա մինչեւ վերջ կպայքարի հաղթանակի համար: Սակայն վստահ եմ, որ Աբրահամի փորձը թույլ կտա նրան հեշտ հաղթանակ տանել:
Ինչ վերաբերվում է Շտիգլիցի հետ պատասխան մենամարտին, ապա մենք պատրաստ ենք ռեւանշի: Դա նրա իրավունք է: Սակայն Շտիգլիցը խնդիրներ կունենա. դա խոստանում եմ ձեզ: Սկզբում ասում էին, որ Աբրահամը նրան կարող է հաղթել միայն նոկաուտով, այդ իսկ պատճառով ես պնդեցի, որ Արթուրը մենամարտն ավարտին հասցնի: Շտիգլիցը մարտիկ է, հիանալի մարզիկ: Նա միշտ պայքարում է մինչեւ վերջին վայրկյանը: Սակայն Արթուրն ավելի լավն էր»,- Վեգների խոսքը փոխանցում է Sportbox.ru-ն:
Հիշեցնենք, որ Արթուր Աբրահամ – Մեհդի Բուադլա մենամարտը կկայանա դեկտեմբերի 15-ին Գերմանիայի Նյուրնբերգ քաղաքում: Աբրահամը Ռոբերտ Շտիգլիցից խլած WBO վարկածով չեմպիոնական գոտին կպաշտպանի առաջին անգամ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.