Ռոնալդոն ազատվել է 20 կգ ավելորդ քաշից (ֆոտո)
15:51 15 դեկտեմբերի, 2012Երկու ամսվա տանջանքս ավարտվեց, ծանր զոհողություն էր, բայց ամեն ինչ բարեհաջող ավարտվեց, հայտարարել է ֆուտբոլի աշխարհի կրկնակի չեմպիոն Ռոնալդոն, ավելորդ քաշից ազատվելու անհատական ծրագրի վերջին հաղորդումից առաջ: Այն երկու ամիս ամեն կիրակի հեռարձակվում է բրազիլական Globo հեռուստաալիքի կիրակնօրյա եթերում: 35-ամյա Ռոնալդոն բոլոր բրազիլացիների աչքի առաջ կատարում է հատուկ վարժություններ եւ հետեւում է հատուկ սննդակարգի: Արդյունքում` նա ազատվել է 20 կգ ավելորդ քաշից, հաղորդում է marca.com-ը: Վերջին հեռուստաեթերը կլինի դեկտեմբերի 16-ին: Հեռուստանախագծի մեկնարկից առաջ Ռոնալդոյի անձնական քաշը 118 կգ էր: Ֆուտբոլիստը այս կերպ նախապատրաստվում էր բարեգործական հանդիպման: Աղքատության դեմ պայքարի շրջանակում բարեգործական խաղը Ռոնալդոյի եւ Զիդանի մասնակցությամբ տեղի կունենա դեկտեմբերի 19-ին Բրազիլիայի Պորտու Ալեգրի քաղաքում, «Գրեմիոյի» ստադիոնում:
Հիշեցնենք, որ Ռոնալդոն ֆուտբոլիստի պրոֆեսիոնալ կարիերան ավարտել է 2011թ. փետրվարին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։