Յուրա Մովսիսյան․ Էդուարդ Սպերցյանը Ռուսաստանի Պրեմիեր լիգայի լավագույն ֆուտբոլիստն է
17:19 19 դեկտեմբերի, 2025Հայաստանի հավաքականի եւ «Կրասնոդարի» նախկին հարձակվող Յուրա Մովսիսյանը բարձր է գնահատել Հայաստանի հավաքականի եւ Ռուսաստանի չեմպիոն «Կրասնոդարի» ավագ, կիսապաշտպան Էդուարդ Սպերցյանի խաղը։
«Անհավանական է տեսնել, թե ինչի է հասել «Կրասնոդարը»։ Ես հիշում եմ խոսակցությունները ապագա չեմպիոնության մասին, երբ ես էի հանդես գալիս «Կրասնոդարում»։ Սերգեյ Գալիցկին ուներ ծրագիր, որը տարիների հեռանկարով էր։ Հրաշալի է տեսնել, որ նա եւ ակումբը հասան նպատակներին, իրականացրին երազանքները։ «Կրասնոդարը» դարձավ Ռուսաստանի լավագույն ակումբներից մեկը։
Ես շատ երջանիկ եմ Գալիցկու եւ նրանց յուրաքանչյուր ֆուտբոլիստի, այդ թվում Սպերցյանի համար։ Հպարտանում եմ նրա խաղով եւ նվաճումներով։ Անցած մրցաշրջանում Սպերցյանը չեմպիոնական թիմի կարեւորագույն գործոններից էր։ Կարծում եմ՝ հիմա նա Ռուսաստանի Պրեմիեր լիգայի լավագույն ֆուտբոլիստն է։ Երջանիկ եմ նրա համար»,- Յուրա Մովսիսյանի խոսքը մեջբերում է championat.com-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.