«Չելսին» ու «Յուվենտուսն» առաջարկ են արել Դոնեցկի «Շախտյորին» բրազիլացի կիսապաշտպան Վիլանի տրանսֆերի հարցով: Այդ մասին sambafoot.com-ին հայտնել է Վիլիանը: Ձմեռային տրանսֆերային պատուհանի բացմանը քիչ ժամանակ է մնում եւ շրջանառվող լուրերը շատանում են:
«Դոնեցկում բոլորը հրաշալի գիտեն, որ ես ցանկանում եմ հեռանալ թիմից, սակայն առայժմ իմ ցանկությունը փաստարկ չէ: Ակումբի նախագահը ցանկանում է, որ ես մնամ, բայց աճելու համար ինձ անհրաժեշտ է փոխել առաջնությունը: Նախագահը խոստացել է բաց թողնել ինձ 30 միլիոն եվրո առաջատարկի դեպքում, իսկ «Չելսին» ամռանն առաջարկում էր 25 միլիոն»,- ասել է 24-ամյա ֆուտբոլիստը:
Առայժմ հայտնի չէ նոր առաջարկների գումարը, բայց բանակցությունները նոր փուլ են մտնում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։