Ֆլիկը՝ «Չելսիից» կրած պարտության մասին
19:04 26 նոյեմբերի, 2025Իսպանիայի չեմպիոն «Բարսելոնայի» գերմանացի գլխավոր մարզիչ Հանս-Դիտեր Ֆլիկը մեկնաբանել է աշխարհի ակումբային չեմպիոն «Չելսիից» կրած 0:3 հաշվով պարտությունը Չեմպիոնների լիգայի 5-րդ տուրում։
«Շատ լավ սկսեցինք հանդիպումը եւ ունեինք առաջինը գոլ խփելու հնարավորություն։ Ակնհայտ է, որ «Չելսին» իսկապես լավ թիմ է։ 10 ֆուտբոլիստներով հաղթելն այստեղ հեշտ չէ։ Մենք փորձեցինք հնարավոր ամեն ինչ։ Պաշտպանվում էինք մեկ ճակատով, բայց շատ սխալներ թույլ տվեցինք։ Պետք է ամեն ինչ վերլուծել եւ բարելավել խաղը մրցակցի կողմից մեծ ճնշման պայմաններում։
Հիմա կարեւոր է դուրս գալ փլեյ-օֆֆ, դա է մեր նպատակը։ Եթե 9 միավոր վաստակենք, ամեն ինչ հնարավոր է։ Ես լավատեսորեն եմ տրամադրված, քանի որ մեր մի քանի խաղացողներ են վերադառնալու։ Մնում է անցկացնել երեք հանդիպում եւ վաստակել 9 միավոր»,- Ֆլիկի խոսքը մեջբերում է ՈՒԵՖԱ-ի կայքը։
«Չելսին» 10 միավորով 5-րդն է, «Բարսելոնան» 15-րդ տեղում է՝ 5 միավոր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.