Հայաստանի թիմը պարտվեց Հունգարիային եւ զրկվեց խմբից դուրս գալու հնարավորությունից (ֆոտո, վիդեո)
22:53 13 նոյեմբերի, 2025Ֆուտբոլի աշխարհի առաջնության ընտրական մրցաշարի նախավերջին տուրում Հայաստանի հավաքականը Երեւանի Վազգեն Սարգսյանի անվան «Հանրապետական» ստադիոնում մրցեց Հունգարիայի հավաքականի։
Եղիշե Մելիքյանի գլխավորած թիմը պարտություն կրեց 0:1 հաշվով (տեսանյութ)։
33-րդ րոպեին աչքի ընկավ հունգարական «Ֆերենցվարոշի» 31-ամյա հարձակվող Բարնաբաշ Վարգան, որին գոլային փոխանցում կատարեց Անգլիայի չեմպիոն «Լիվերպուլի» 25-ամյա կիսապաշտպան Դոմինիկ Սոբոսլաին։
F խմբում Հայաստանի թիմը 3 միավորով վերջինն է եւ զրկվեց երկրորդ տեղ բարձրանալու եւ անցումային հանդիպումներում եզրափակիչ մրցաշարի ուղեգրի համար պայքարելու հնարավորությունից։ Հունգարիան 8 միավորով երկրորդն է։
Խմբի մյուս խաղում առաջատար Պորտուգալիան Դուբլինում կհյուրրընկալվի Իռլանդիային։ Այդ հանդիպումը կմեկնարկի Երեւանի ժամանակով 23:45-ին։
Լուսանկարները՝ Էմմա Ասատրյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.