Արթուր Դավթյանը՝ աշխարհի փոխչեմպիոն (ֆոտո, վիդեո)
12:19 25 հոկտեմբերի, 2025Օլիմպիական փոխչեմպիոն եւ բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը արծաթե մեդալ նվաճեց Ինդոնեզիայի մայրաքաղաք Ջակարտայում ավարտվող սպորտային մարմնամարզության աշխարհի առաջնությունում:
Հենացատկի վարժության եզրափակիչում Հայաստանի առաջատար մարմնամարզիկը երկու փայլուն ցատկերի հանրագումարում վաստակեց 14.833 միավոր: Առաջին ցատկը մրցավարները գնահատեցին 14.800 միավոր, երկրորդը՝ 14.866 միավոր: Արթուր Դավթյանը երկու ցատկերն էլ հրաշալի կատարեց՝ վերջնամասում առանց քայլ կատարելու:
Աշխարհի չեմպիոնի տիտղոսը նվաճեց կրկնակի օլիմպիական չեմպիոն, Ֆիլիպինների ներկայացուցիչ Կառլոս Յուլոն 14.866 միավորով, բրոնզե մեդալակիր դարձավ Ուկրաինան ներկայացնող Նազար Չեպուրնին՝ 14.483 միավորով:
Հակոբ Սերոբյանի գլխավորած հավաքականից նժույգ թափեր վարժությունում արծաթե մեդալ էր նվաճել նաեւ 18-ամյա Մամիկոն Խաչատրյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.