Աշխարհի փոխչեմպիոն Մամիկոն Խաչատրյանի պարգեւատրումը
16:20 24 հոկտեմբերի, 2025Ինդոնեզիայի մայրաքաղաք Ջակարտայում տեղի ունեցավ սպորտային մարմնամարզության նժույգ թափեր վարժության հաղթողի եւ մեդալակիրների պարգեւատրումը: 19-ամյա Մամիկոն Խաչատրյանը պարգեւատրվեց արծաթե մեդալով:
Երիտասարդ մարմնամարզիկ, Եվրոպայի փոխչեմպիոն, երիտասարդների աշխարհի փոխչեմպիոն Մամիկոն Խաչատրյանը աշխարհի առաջնությունում 14.600 միավորով նվաճեց արծաթե մեդալ:
Աշխարհի չեմպիոնի տիտղոսը նվաճեց Չինաստանի ներկայացուցիչ Յանմին Յոնը, որը վաստակեց Մամիկոն Խաչատրյանին հավասար միավոր՝ 14.600: Բրոնզե մեդալակիր դարձավ ԱՄՆ ներկայացնող Պարիկ Հուփսը 14. 566 միավորով:
Այս վարժությունում Հայաստանի երկրորդ ներկայացուցիչ, Եվրոպայի չեմպիոն, երիտասարդների աշխարհի կրկնակի չեմպիոն Համլետ Մանուկյանը 4-րդն է, որը երզափակիչում վաստակեց 14.433 միավոր:
Մամիկոն Խաչատրյանն ու Համլետ Մանուկյանն առաջին անգամ էին մասնակցում մեծահասակների աշխարհի առաջնությանը:
Ջակարտայում անցկացվող սպորտային մարմնամարզության աշխարհի առաջնությունում եզրափակիչ է դուրս եկել նաեւ Օլիմպիական փոխչեմպիոն, աշխարհի չեմպիոն, Եվրոպայի եռակի չեմպիոն Արթուր Դավթյանը:
Հենացատկի վարժության որակավորման փուլում Դավթյանը 14.566 միավորով երկրորդն էր: Օլիմպիական փոխչեմպիոնի մասնակցությամբ հենացատկի վարժության եզրափակիչը տեղի կունենա հոկտեմբերի 25-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.