Արթուր Աբրահամի եւ Մեհդի Բուալդայի վերջին ասուլիսը չեմպիոնական մենամարտից առաջ

00:39   13 դեկտեմբերի, 2012

Պրոֆեսիոնալ բռնցքամարտի սուպերմիջին քաշային կարգում WBO չեմպիոնի տիտղոսի պաշտպանության մենամարտից առաջ Արթուր Աբրահամը մարզիչ Ուլի Վեգների եւ չեմպիոնի հավակնորդ, ֆրանսիացի Մեհդի Բուադլայի հետ Նյուրնբերում անցկացրել են վերջին մամուլի ասուլիսը, հաղորդում է boxingscene-ը:

«Ծանր մենամարտ է սպասվում, քանի որ սա կարող է վերջին շանսը լինել Բուադլայի կարիերայում չեմպիոնական մենամարտի մասնակցելու տեսանկյունից: Նա կձգտի անել հնարավոր ամեն ինչ հաղթելու համար»,- ասել է Աբրահամը:

«Ես միշտ հավատացել եմ, որ Արթուր Աբրահամը կարող է լինել սուպերմիջին քաշային կարգում աշխարհի չեմպիոն: Դա ապացուցեց օգոստոսին Շտիգլիցի հետ նրա մեծագույն մենամարտը, դա ցույց է տալիս նաեւ նրա նախապատրաստական փուլը Բուդլայի հետ մենամարտին: Նա փորձառություն է ձեռք բերել եւ առաջադիմել է որպես մարզիկ»,- նշել է Աբրահամի մարզիչ Ուլի Վեգները:

30-ամյա Մեհդի Բուադլան այդուհանդերձ վճռական է տրամադրված` խլել աշխարհի չեմպիոնի գոտին Արթուր Աբրահամից:

«Իմ նախապատրաստությունն անցել է չափազանց բարենպաստ Աբրահամից տիտղոսը խլելու համար»,- նկատել է Մեհդի Բուադլան:

Հիշեցնենք, որ Աբրահամ – Բուադլա մենամարտը տեղի կունենա դեկտեմբերի 15-ին Նյուրնբերգում, Երեւանի ժամանակով 1.30` կեսգիշերից հետո:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։