Հայաստանի թիմը պարտվեց Իռլանդիային եւ նահանջեց վերջին տեղ (տեսանյութ)
00:42 15 հոկտեմբերի, 2025Ֆուտբոլի աշխարհի առաջնության եվրոպական գոտու ընտրական մրցաշարի F խմբի չորրորդ տուրում Հայաստանի հավաքականը Դուբլինում հյուրընկալվեց Իռլանդիայի հավաքականին եւ պարտվեց 0:1 հաշվով։
52-րդ րոպեին վիճաբանությունում մրցակցի դեմքին գլխով հարվածելու համար կարմիր քարտ ստացավ Հայաստանի հավաքականի ավագ, Բրատիսլավայի «Սլովանի» հարձակվող Տիգրան Բարսեղյանը (տեսանյութ)։
Իռլանդիան թվային առավելությունը գոլի վերածեց 70-րդ րոպեին։ Աչքի ընկավ իտալական «Ռոմայի» 20-ամյա հարձակվող Էվան Ֆերգյուսոնը (տեսանյութ)։
Հայաստանի հավաքականը 3 միավորով նահանջեց վերջին տեղ։ Իռլանդիան 4 միավորով երրորդն է։
Խմբի մյուս խաղում Պորտուգալիան տանը 2:2 հաշվով ոչ ոքի խաղաց Հունգարիայի հետ։ Դուբլի հեղինակ դարձավ պորտուգալացիների ավագ Կրիշտիանու Ռոնալդուն։ Պորտուգալիան խմբի առաջատարն է՝ 10 միավոր։ Հունգարիան 5 միավորով երկրորդն է։
ԱԱ-2026, եվրոպական գոտի, ընտրական փուլ
F խումբ, չորրորդ տուր
Իռլանդիա - Հայաստան՝ 1:0
Էվան Ֆերգյուսոն, 70
Հեռացում՝ Տիգրան Բարսեղյան, 52
Պորտուգալիա - Հունգարիա՝ 2:2 (տեսանյութ)
Կրիշտիանու Ռոնալդու, 22, 45+3 - Ատիլա Սալաի, 8, Դոմինիկ Սոբոսլաի 90+1
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.