Կոնֆերենցիաների լիգա․ «Նոայի» հաղթական մեկնարկը (տեսանյութ)
22:40 2 հոկտեմբերի, 2025Ֆուտբոլի Հայաստանի չեմպիոն եւ գավաթակիր «Նոան» հաղթանակով մեկնարկեց Կոնֆերենցիաների լիգայում։ Առաջին տուրում երեւանյան թիմը հյուրընկալեց Խորվաթիայի չեմպիոն «Ռիեկային»։
Վազգեն Սարգսյանի անվան «Հանրապետական» ստադիոնում տեղի ունեցած խաղում «Նոան» առավելության հասավ 1:0 հաշվով։
Խորվաթ Սանդրո Պերկովիչի գլխավորած թիմից 6-րդ րոպեին անկյունայինից հետո աչքի ընկավ 27-ամյա բոսնիացի հարձակվող Նարդին Մուլահուսեյնովիչը (տեսանյութ)։
30-րդ րոպեին հեռացվեց «Ռիեկայի» խորվաթ կիսապաշտպան Նիկո Յանկովիչը։
Երկրորդ տուրում «Նոան» հոկտեմբերի 23-ին կհյուրընկալվի ռումինական «Ունիվերսիտատեա Կրայովային»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.