Զամբիայի ֆուտբոլի ֆեդերացիան կասկածի տակ է դրել Մեսիի ռեկորդը. Չիտալուն 107 գնդակ է խփել
00:48 12 դեկտեմբերի, 2012Զամբիայի ֆուտբոլի ֆեդերացիան կներկայացնի ապացույցներ, որ օրացուցային տարում գոլերի ռեկորդը պատկանում է զամբիացի հարձակվող Գոդֆրի Չիտալուին, որը 1972 թվականին դարձել է 107 գոլի հեղինակ, հաղորդում է Globoesporte.globo.com-ը:
Ֆեդերացիան արխիվային փաստաթղթերն ու արձանագրությունները ներկայացնելու է ՖԻՖԱ-ին եւ Աֆրիկայի ֆուտբոլի կոնֆեդերացիային եւ պահանջելու է ընդունել, որ ռեկորդը պատկանում է ոչ Մեսիին, ոչ էլ Մյուլերին: 1968-ին Չիտալուն խփել է 81 գնդակ, իսկ 1972-ին` արդեն 107 գնդակ: Նա հինգ անգամ ճանաչվել է Զամբիայի լավագույն ֆուտբոլիստ: Չիտալուն մահացել է 45 տարեկանում, ավիավթարի հետեւանքով:
Հիշեցնենք, որ Մեսին 86 գոլով այժմ համարվում է մեկ տարում ամենաշատ գնդակ խփած ֆուտբոլիստը: Նախկին ռեկորդը հավասար էր 85 գոլի եւ պատկանում էր գերմանացի Գերդ Մյուլերին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։