Հայաստանի հավաքականը պարտության մատնեց Իռլանդիային (տեսանյութ)
22:00 9 սեպտեմբերի, 2025Աշխարհի առաջնության ընտրական մրցաշարի երկրորդ տուրի խաղում Հայաստանի հավաքականը Երեւանի Վազգեն Սարգսյանի անվան «Հանրապետական» ստադիոնում 2:1 հաշվով պարտության մատնեց Իռլանդիայի թիմին (տեսանյութ):
Առաջին խաղակեսի ավելացված առաջին րոպեին 11-մետրանոցից գոլի հեղինակ դարձավ Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը։
Եղիշե Մելիքյանի գլխավորած թիմի առավելությունը 51-րդ րոպեին կրկնապատկեց հարձակվող Հրանտ-Լեոն Ռանոսը։ Գոլային փոխանցում կատարեց Բելգրադի «Ցրվենա Զվեզդայի» եզրային պաշտպան Նաիր Թիկնիզյանը։
Հյուրերը 57-րդ րոպեին կրճատեցին հաշվի տարբերությունը՝ 2:1։ Աչքի ընկավ իտալական «Ռոմայի» 20-ամյա հարձակվող Էվան Ֆերգյուսոնը։
88-րդ րոպեին «Արարատ-Արմենիայի» հարձակվող Արթուր Սերոբյանը Նաիր Թիկնիզյանի փոխանցումից հետո գրավեց մրցակցի դարպասը, սակայն VAR-ի հուշումով գրանցվեց չնչին խաղից դուրս վիճակ եւ գոլը չգրանցվեց։
F խմբում Հայաստանի հավաքականը 3 միավորով ընթացիկ երկրորդ տեղում է։
Խմբի մյուս խաղում Պորտուգալիայի հավաքականը կհյուրընկալվի Հունգարիային։ Այդ հանդիպումը կմեկնարկի Երեւանի ժամանակով 22:45-ին։
Լուսանկարները՝ Էմմա Ասատրյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.