«Նանտը» 9-րդ անընդմեջ հաղթանակը տարավ Միշել Տեր-Զաքարյանի գլխավորությամբ եւ բարձրացավ առաջին տեղ
09:44 11 դեկտեմբերի, 2012Հայաստանի ազգային հավաքականի նախկին ֆուտբոլիստ Միշել Տեր-Զաքարյանի գլխավորած «Նանտը» Ֆրանսիայի առաջին դիվիզիոնի առաջնությունում գլխավորել մրցաշարային աղյուսակը:
17-րդ տուրում «Նանտը» նվազագույն հաշվով հաղթել է «Կլերմոնին» եւ մեկ միավորով առաջ է անցել երկրորդ տեղում գտնվող «Մոնակոյից», որը մեկ հանդիպում պակաս է անցկացրել եւ դեկտեմբերի 11-ին կխաղա «Կաենի» հետ: 17 խաղ անցկացրած «Նանտն» 9-րդ անընդմեջ հաղթանակն է տարել եւ հավաքել է 33 միավոր: Տեր-Զաքարյանի թիմն արդեն 2 ամիս է չի պարտվում:
Հիշեցնենք, որ մինչեւ «Նանտ» տեղափոխվելը 49-ամյա Տեր-Զաքարյանը գլխավորում էր «Կլերմոնը», հայտնում է France Football-ը:
Ֆուտբոլային կարիերայի տարիներին Միշել Տեր-Զաքարյանը «Նանտի» կազմում խաղացել է 1980-1988թթ., իսկ 1996-1997թթ. հանդես է եկել Հայաստանի ազգային հավաքականում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։