Հայաստան - Պորտուգալիա խաղից մեկ օր առաջ «Հանրապետականի» խոտածածկը դեռ ամբողջովին պատրաստ չէ (ֆոտո)
14:21 5 սեպտեմբերի, 2025Երեւանի Վազգեն Սարգսյանի անվան «Հանրապետական» մարզադաշտի խոտածածկը դեռ պատրաստ չէ օգոստոսին տեղի ունեցած Ջենիֆեր Լոպեսի համերգից հետո:
Հայաստան - Պորտուգալիա խաղի մեկնարկից մեկ օր առաջ ստադիոնի խոտածածկը դեռ մշակում են:
Խոտածածկի որոշ հատվածներ անմխիթար վիճակում են` խոտը ոչ լիարժեք է աճել կամ չի աճել: Այս պահին «Հանրապետականում» ընթանում են խոտի հնձման եւ մշակման աշխատանքներ:
Նշենք, որ Հայաստանի եւ Պորտուգալիայի հավաքականները նախախաղային մարզում «Հանրապետականում» չեն անցկացնելու: Այս մասին ավելի վաղ հայտարարություն էր տարածել նաեւ ՀՖՖ-ն:
Երկու հավաքականներն էլ սեպտեմբերի 5-ի երեկոյան նախախային մարզումը կանցկացնեն Ավանի ֆուտբոլային ակադեմիայի մարզադաշտում։
Աշխարհի առաջնության ընտրական մրցաշարի Հայաստան - Պորտուգալիա հանդիպումը տեղի կունենա սեպտեմբերի 6-ին Երեւանի Վազգեն Սարգսյանի անվան «Հանրապետական» ստադիոնում եւ կմեկնարկի 20:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.