«Ինտերը» պարտվեց Միլանում, «Լացիոն» խնդիրներ չունեցավ Հռոմում (տեսանյութ)
00:43 1 սեպտեմբերի, 2025Իտալիայի առաջնության երկրորդ տուրում փոխչեմպիոն «Ինտերը» Միլանում 1:2 հաշվով պարտություն կրեց «Ուդինեզեից»։
Առաջինը հաջողության հասան դաշտի տերերը հոլանդացի պաշտպան Դենզել Դյումֆրիսի գոլի շնորհիվ։
29-րդ րոպեին 11-մետրանոցից հավասարությունը վերականգնեց անգլիացի հարձակվող Քինան Դեւիսը։ «Ուդինեզեին» կամային հաղթանակ բերեց ֆրանսիացի կիսապաշտպան Արթյուր Ատայի գոլը 40-րդ րոպեին։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» պահեստայինների թվում էր եւ փոխարինման դուրս եկավ 63-րդ րոպեին։
«Ուդինեզեն» 4 միավորով 5-րդն է, «Ինտերն» ունի 3 միավոր եւ 6-րդն է։
«Լացիոն» Հռոմում մրցեց «Վերոնայի» հետ եւ հաղթեց 4:0 հաշվով։ Մայրաքաղաքային թիմը 3 միավորով 7-րդն է։
Իտալիայի առաջնություն, երկրորդ տուր
«Ինտեր» - «Ուդինեզե»՝ 1:2 (տեսանյութ)
Դենզել Դյումֆրիս, 17 - Քինան Դեւիս, 29, 11մ, Արթյուր Ատա, 40
«Լացիո» - «Վերոնա»՝ 4:0 (տեսանյութ)
Մատեո Գենդուզի, 3, Մատիա Ձականի, 10, Վալենտին Կաստելյանոս, 41, Բուլայե Դիա, 82
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.