ՉԼ․ «Նոան» չհաղթահարեց «Ֆերենցվարոշի» արգելքը (տեսանյութ)
23:55 30 հուլիսի, 2025Հայաստանի չեմպիոն եւ գավաթակիր «Նոան» չհաղթահարեց հունգարական «Ֆերենցվարոշի» արգելքը Չեմպիոնների լիգայի որակավորման երկրորդ փուլում։ Բուդապեշտում տեղի ունեցած պատասխան խաղում խորվաթ Սանդրո Պերկովիչի գլխավորած թիմը պարտվեց 3:4 հաշվով (տեսանյութ):
Արդեն առաջին րոպեին հանդիպման հաշիվը բացեց «Ֆերենցվարոշի» սերբ հարձակվող Ալեքսանդր Պեշիչը։
7-րդ րոպեին հավասարությունը վերականգնեց «Նոայի» պորտուգալացի հարձակվող Հելդեր Ֆերեյրան։
12-րդ րոպեին դաշտի տերերին հաշվի մեջ առաջ մղեց ֆրանսիացի հարձակվող Լենի Յոզեֆը։
22-րդ րոպեին պատասխան գոլը խփեց «Նոայի» բրազիլացի հարձակվող Մատեուս Այասը։
52-րդ րոպեին 11-մետրանոցն արդյունավետ իրացրեց «Ֆերենցվարոշի» նորվեգացի կիսապաշտպան Կրիստոֆեր Զաքարիասենը։
71-րդ րոպեին «Նոայից» աչքի ընկավ խորվաթ պաշտպան Ալեն Գրգիչը։
«Ֆերենցվարոշի» հաղթական գոլը 74-րդ րոպեին խփեց հունգարացի հարձակվող Բարնաբաշ Վարգան։
Առաջին խաղում «Նոան» պարտվել էր 1:2 հաշվով։
«Նոան» պայքարը կշարունակի Եվրոպայի լիգայի որակավորման երրորդ փուլում եւ կմրցի «Լինքոլն Ռեդ Իմպսի» (Ջիբրալթար) հետ, որը Չեմպիոնների լիգայի որակավորման երկրորդ փուլում չէր հաղթահարել Սերբիայի չեմպիոն «Ցրվենա Զվեզդայի» արգելքը (0:1, 1:5)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.