Հայ մարզիկների արդյունքները Ունիվերսիադայում
19:27 21 հուլիսի, 2025Գերմանիայում շարունակվում են Համաշխարհային համալսարանական ամառային խաղերը (Ունիվերսիադա), որին ԿԳՄՍ նախարարության աջակցությամբ մասնակցում են նաև Հայաստանի ներկայացուցիչները:
Մրցելույթներն ավարտել են գեղարվեստական մարմնամարզության ներկայացուցիչներ Ջուլիետա Ավետիսյանը և Սիլվա Սարգսյանը՝ համապատասխանաբար հավաքելով 78,350 և 83,700 միավոր: Սուսերամարտիկ Դարիա Մալիշևան, ենթախմբում տանելով չորս հաղթանակ, դուրս է եկել 1/32 եզրափակիչ, որտեղ 15:12 հաշվով հաղթել է լեհ մրցակցին, սակայն լավագույն ութնյակ անցնելու պայքարում 4:15 հաշվով պարտվել է իտալացի մարզիկին:
Հայաստանի մյուս ներկայացուցիչ, լողորդ Վարսենիկ Մանուչարյանը (լուսանկարում) 100մ ազատ ոճ լողատարածությունում ցույց է տվել 58.19 վրկ. արդյունք և Հայաստանի ռեկորդ սահմանել: 100մ բատերֆլայ լողատարածությունում Մանուչարյանը 1.01.35 վրկ. արդյունքով 43 մասնակիցների շրջանում զբաղեցրել է 20-րդ տեղը, Աշոտ Չախոյանը 100մ ազատ ոճ լողատարածությունում գրանցել է 54.66 արդյունք:
Մրցելույթներն ավարտել են նաև թաեքվոնդոյի ներկայացուցիչներ՝ 57 կգ քաշային Մելինե Հովհաննիսյանը և 68 կգ քաշային Դավիթ Թորոսյանը:
Համաշխարհային ամառային ունիվերսիադայում Հայաստանը ներկայացնում են 18 մարզիկներ, որոնք հանդես են գալիս 7 մարզաձևում։
Հուլիսի 21-ին մրցապայքարի դուրս կգան թաեքվոնդոիստ Արմեն Դանիելյանը (74 կգ), հեռացատկորդ Յանա Սարգսյանը և լողորդ Աշոտ Չախոյանը ( հանդես կգա 50 մ բրաս մրցաձևում)։
Համաշխարհային համալսարանական ամառային խաղերը կտևեն մինչև հուլիսի 27-ը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.